Við höfum undirritað samkomulag við Stálvörur um að fyrirtækið verði endursöluaðili Málmsteypunnar á Norðurlandi eystra og Norðurlandi vestra. Með samstarfinu eflum við aðgengi að vörum okkar og þjónustu á svæðinu.

Stálvörur munu vera með lager og afgreiðslu á vörum Málmsteypunnar á Akureyri. Viðskiptavinir á Norðurlandi fá þannig staðbundna afgreiðslu og geta nálgast efni nær framkvæmdum sínum.

Saman munum við bjóða upp á heildarlausnir fyrir veitur, sveitarfélög, verktaka og íslenskan iðnað. Samstarfið styður við þá áherslu Málmsteypunnar að þjónusta uppbyggingu og viðhald innviða um land allt með viðeigandi vörum og aðstoð við efnisöflun.

Við hlökkum til samstarfsins við Stálvörur og til að þjónusta viðskiptavini okkar á Norðurlandi í sameiningu.