Hjá Málmsteypunni fæst heildstætt vöruframboð fyrir fráveitu: rör, tengi, brunnar, sandföng og lausnir fyrir miðlun ofanvatns — hvort sem um er að ræða minni lagnavinnu eða umfangsmikil innviðaverk.
Við vinnum náið með verktökum, sveitarfélögum, veitufyrirtækjum og hönnuðum. Markmiðið er að einfalda undirbúning og innkaup með góðu vöruúrvali, sterkum lager og aðstoð sem nýtist frá fyrstu yfirferð til afhendingar.
Val á lausn tekur mið af notkun, lagnastærð, dýpi, jarðvegi og álagi á hverjum stað. Hér er stutt samantekt til að finna rétta kerfið áður en farið er í einstakar vörur.
| Kerfi | Notkun | Stærðir (ID) | Bygging | Afhending |
|---|---|---|---|---|
| K2-Kan | Fráveita og ofanvatn í byggingar-, sveitarfélaga- og innviðaverkefnum | 150–1.000 mm | Tvíveggja PP, rifflað að utan, slétt að innan | ≤ 600 mm á lager |
| K2-Kan XXL | Stór fráveitukerfi og megilagnir | 1.000–2.400 mm | Tvíveggja PP | Sérpöntun 2–4 vikur |
| KG | Tengilagnir við hús og minni fráveitulagnir | ≤ 200 mm tengi ≤ 400 mm | Slétt PP | Algengustu stærðir á lager |
| Drenrör | Jarðvatn við húsgrunna, lóðir, stoðveggi og vegi | Sjá vöruyfirlit | Safnar og leiðir frá jarðvatni | Á lager |
Málmsteypan býður rörakerfi fyrir skólp, regnvatn, dren og aðrar lagnir í jörðu — frá hefðbundnum tengilögnum við hús yfir í stór fráveitukerfi fyrir sveitarfélög, veitur og umfangsmikil innviðaverk.
K2-Kan eru tvíveggja PP-rör, rifflað að utan til að þola álag og slétt að innan til að tryggja gott flæði. Rörin eru ætluð fyrir fráveitu og ofanvatn.
Boðið er upp á tengihluti og sérlausnir til að tengja rörin saman og laga kerfið að stefnu, hæð og öðrum aðstæðum verkefnisins.
KG eru slétt PP-rör sem tryggja gott flæði og eru ætluð fyrir fráveitu og ofanvatn í byggingar-, sveitarfélaga- og innviðaverkefnum.
Fjölbreytt úrval tengihluta gerir kleift að laga kerfið að stefnu, hæð og öðrum aðstæðum verkefnisins.
Drenrör safna og leiða frá jarðvatn og annað vatn sem getur safnast í jarðvegi. Þau eru meðal annars notuð við húsgrunna, lóðir, stoðveggi og vegi til að draga úr vatnssöfnun og stýra vatni á öruggan hátt frá mannvirkjum.
Brunnar veita aðgengi að lögnum og tengja þær saman. Val á stærð og útfærslu ræðst af stærð lagna, fjölda og legu tenginga, lagnadýpi, aðgengiskröfum og því hvort þörf sé á niðurstigi í brunninn.
Staðlaðar stærðir eru 400, 600 og 1000 mm að innanmáli, með stútum beint í gegn eða í kross fyrir lagnir frá 150–400 mm. Minni brunnar eru almennt notaðir þar sem skoðun og hreinsun fer fram frá yfirborði, stærri brunnar þar sem þörf er á meira vinnurými eða krafa um stiga.
Einnig eru fáanlegir brunnar án stúta sem hægt er að bora inn á eftir þeirri stærð, stefnu og hæð tenginga sem verkefnið krefst.
Brunnbotnar af lager eru með OD-stútum, þar sem stærð stútsins miðast við ytra þvermál hans. Þegar tengja á rör sem eru stærðargreind eftir innra þvermáli, eins og K2 rör, eru notuð viðeigandi breytistykki. Einnig er hægt að setja minnkanir eða beygjur beint við brunnstútinn þegar aðstæður leyfa.
Þegar staðlaðar útfærslur henta ekki er hægt að sérpanta brunna og brunnbotna samkvæmt forsendum verkefnisins. Það á meðal annars við þegar þörf er á stútum fyrir lagnir stærri en 400 mm.
Útfærslan getur tekið mið af innanmáli og heildarhæð brunnsins, rörastærðum, fjölda tenginga, gráðum og hæðarkótum inn- og útrása.
Brunnar stærri en 1.000 mm að innanmáli eru sérsmíðaðir og afhentir í heilu lagi. Þeir geta verið allt að 2.600 mm að innanmáli og henta meðal annars fyrir stórar lagnir, margar innrásir og flóknar tengingar.
Málmsteypan aðstoðar við yfirferð teikninga og brunnaskráa áður en pöntun er staðfest. Brunnurinn er síðan framleiddur hjá birgjum okkar samkvæmt staðfestum forsendum verkefnisins.
Aðferðin við hæðaraðlögun ræðst af stærð og uppbyggingu brunnsins. Hér er uppbygging 1000 mm brunns frá botni upp í götu, ásamt einingunum sem til þarf.
Á milli allra eininga skal nota brunngúmmí sem tryggir þéttni og að brunnurinn sé vatnsheldur.
400 og 600 mm brunnar eru hækkaðir með upphækkunarröri sem er sagað í rétta lengd áður en gengið er frá yfirborði með topphringi og brunnloki.
Sandföng taka við yfirborðsvatni og halda eftir sandi, seti og öðrum föstum efnum áður en vatnið rennur inn í fráveitukerfið. Þannig minnkar hætta á uppsöfnun og stíflum og hreinsun verður einfaldari.
Val á sandfangi ræðst einkum af áætluðu vatnsmagni, stærð tengilagnar, þörf fyrir söfnunarrými og aðgengi til tæmingar og hreinsunar.
Sandföngin eru með stillanlegu teleskópröri sem má hækka að þörfum. Ef þörf er á vatnslás er hægt að útbúa hann með viðeigandi beygjum.
| Sandfang | Tenging | Rými | Hæð |
|---|---|---|---|
| 250/160 teleskóp | 160 mm | 40 L | 1,0 / 0,8 + 0,5 |
| 400/160 | 160 mm | 80 L | 1,5 m |
| K2 600/200 | 200 mm | 200 L | 2,0 m |
Samtengi tengja saman rör af mismunandi gerðum, úr ólíkum efnum og með mismunandi þvermál. Þau henta bæði við nýlagnir og við viðgerðir eða endurnýjun eldri lagnakerfa.
MAC- og MSC-samtengi eru sveigjanleg tengi sem henta þegar hefðbundnar múffutengingar eiga ekki við — til dæmis við viðgerðir og endurnýjun, þegar tengja þarf nýjar plastlagnir við eldri lagnir úr steypu eða steinleir.
Sumar útfærslur geta tengt saman rör þótt töluverður munur sé á ytra þvermáli þeirra.
Drenbox er einingakerfi sem tekur við ofanvatni og geymir það tímabundið neðanjarðar. Kerfið er byggt úr HYDRO-BOX einingum sem hægt er að laga að því rúmmáli, rými og frárennsli sem verkefnið krefst.
Einingarnar eru tengdar saman með tengiklemmum og raðað upp í þá lengd, breidd og hæð sem þarf til að ná tilskildu miðlunarrými. Hliðar- og endalok loka kerfinu og sérstakar tengingar eru notaðar fyrir inn- og útrásir. Einnig er gert ráð fyrir aðgengi til skoðunar og hreinsunar.
Kerfið er umlukið vatnsgegndræpum jarðvegsdúk. Dúkurinn kemur í veg fyrir að jarðvegsefni berist inn í einingarnar en hleypir vatninu út í nærliggjandi jarðveg.
Kerfið er umlukið þéttum dúk. Vatnið safnast í kerfinu og rennur áfram um stýrða útrás.
Sendu okkur lagnastærðir, dýpi og fjölda tenginga og við förum yfir hvað er til á lager, hvað þarf að sérpanta og hvaða breytistykki þarf á milli kerfa. Sérsmíðaðir brunnar eru teiknaðir eftir rörastærðum, tengihornum og hæðarkótum verkefnisins.
