Flotniðurfall er hannað fyrir notkun í malbikuðum flötum þar sem þörf er á öruggri og endingargóðri frárennslislausn. Kanturinn er sérstaklega hannaður þannig að hann flýtur í malbikinu, sem tryggir góða aðlögun að yfirborðinu og jafna álagsdreifingu. Flotniðurfallið hentar vel í götur, bílastæði og önnur svæði með miklu álagi.\n\nNiðurföll frá Málmsteypunni eru steypt úr endurunnu brotajárni sem safnast hér á Íslandi. Með notkun innlends brotajárns og endurnýjanlegrar orku hafa þau verulega lægra kolefnisspor en sambærilegar innfluttar vörur.